Juona nakti rēk ētė i mėška, ka ni šonėis, ni gaidė balsa nabgaliesi gėrdietė, tumet i tonkomīnus ētė, kor papartē aug. Saka, ton nakti papartis žīd, vo ont kuo tas žėids nukrimt, tas vėskon žėnuotė praded (Žemaitėjė).
***
Je par Kaliedas sning – par Juona līn (Plungė).
***
Je par Juonėnės līn, tās metās karvės daug pėina dous (Kaltinienā).
***
Ka laumės pėina neatimtom, rēk pri kūtės doru ėš lauka posės ont vėršotėnės staktas prikaltė maža šermokšnėni krīžieli (Vėikšnē).
***
Laumės, saulē nosėlēdus, skalbas. Drabožius džiuovėn švėitont mienesiou. Tėn pat, švėitont mėnesiou, ont kalna pasėdiejosės vėsa torta, pėningus skaita (Vėikšnē).
***
Ka pėins pagend arba pasėdara skīsts, rēk irėštė karvē i oudėga vuobolioka.
***
Ka laumė apsied karvės, rēk švėnta Juona nakti anas ėšvarītė i laukus ėr anuoms ėš paskuos valkiuotė uzdeni (Seduos apl.).
***
Juonėniu nakti dvėm muotrėškuom nu svetėmuos pėivas šniūro rēk brauktė rasa. Ton šniūra nukratītė ont sava pėivas – dėdėlē augs žuolie (Alsiedē).
Žemaitijos nacionalinio parko direkcija.
Biudžetinė įstaiga. Didžioji g.10, Plateliai, LT-90420 Plungės raj.
+370 448 49231
+370 448 49337
znp@zemaitijosnp.lt
Zemaitija National Park Directorate
Didžioji str. 10, Plateliai, LT-90420, Plungės dstr., Lithuania
Įmonės kodas: 191440964
PVM mokėtojo kodas: LT914409610, duomenys kaupiami juridinių asmenų registre.
Steigėjas - Valstybinė saugomų teritorijų tarnyba prie Aplinkos ministerijos. Puslapio sukūrimas dalinai finansuotas Europos Sąjungos 2014-2020m. Interreg V-A Pietų Baltijos bendradarbiavimo per sieną programos lėšomis.
