Ožgavienės Beržuorė
Priš pėrmōji pasaulėni kara Venslauskē gīvena Beržuorė (Plateliu apīlinkė) ė če liōb sokvėis Ožgavieniu žīdus. Ožgavieniu žīdā būs so lėčīnuoms , daugiausē – medėniems. Pasėdėrbs kopras, apsėvėlks verstās kailėnēs, pontēs sosėjous, i ronkas pasėjims ėlgus vuotegus.
Muorė liōb itaisīs ont ratu tekėnė, katras bova ba gelžėnė tekėnlonkė. Ėš kalna žīdā ont šlediu dies plati vežėma so būdo. I vežėma pakėnkīs ketoris arklius so skombalās ė skrabalās. I vežėma sosies Muorės gīniejē (apsauga) ė mozėkontā. Būduo liōb siedies ė dā vėins Ožgavieniu dalīvis so ėlgo medėnio triūbo, katras vėsa laika triūbīs. Pri vežėma gala prirėš Muorė, važioujint ana soksēs i rinki. Muorė liōb atveš i Plateliu grafa Šuazelė dvara kėima, po rūmu longās, ka grafs matītom. Dvarėškems tėka Ožgavieniu žīdā. Grafs liōb dous pėningū. Paskiau Ožgavieniu žīdā lonkīs klebuona, miestelė žmuonis.
Vakarė Ožgavienės bėngsēs ,,Muorės laiduotoviems” – vakaruško. I vakaruška galiejė ētė kas nuoriejė. Vėsė liōb šuoks, dainious, linksminsēs, vo Ožgavieniu žīdā l liōb – vėišies.
Par Ožgavienės ė vakaruškuo tvarka liōb veizies Ožgavieniu vads, gėrtū, lermoutuoju, mošeiku nebova
1957-07-28 Beržuorė papasakuojė Vėnslauskis Ontuons, ožrašė Mėckevīčios Jūzaps.
Nuotrauka ėš ŽNPD archīva 1957 m. Ožgavienės Plateliūs
Gamtuos ir koltūras pavelda skīriaus vīr. specialistė
Kuprelātė Alduona
.
Žemaitijos nacionalinio parko direkcija.
Biudžetinė įstaiga. Didžioji g.10, Plateliai, LT-90420 Plungės raj.
+370 448 49231
+370 448 49337
znp@zemaitijosnp.lt
Zemaitija National Park Directorate
Didžioji str. 10, Plateliai, LT-90420, Plungės dstr., Lithuania
Įmonės kodas: 191440964
PVM mokėtojo kodas: LT914409610, duomenys kaupiami juridinių asmenų registre.
Steigėjas - Valstybinė saugomų teritorijų tarnyba prie Aplinkos ministerijos. Puslapio sukūrimas dalinai finansuotas Europos Sąjungos 2014-2020m. Interreg V-A Pietų Baltijos bendradarbiavimo per sieną programos lėšomis.
