Senieji patarimai ūkininkams

2015-05-05 / Žemaitijos NP

Šaltas pavasaris pamažu eina laukais. Prasidėjo žemės ūkio darbai. Seniau žmonės stebėjo aplinką, tikėjo mėnulio, kitų dangaus kūnų įtaka. Pateikiame Juozo Mickevičiaus rankraščio medžiagą apie kai kuriuos pavasario darbus, saugomą ŽNP archyve.

 

 

 

Bolvės rēk sietė gegožės paraižuos (mėnuliui dylant); jaunamė mienesie ēt i kodlas, galė maž mezg.

***

Bolvės rēk sietė vakarėnio ėr rītėnio viejo: debesoutuo, ūkanoutuo; pėitu ėr šiaurės viejo – kėrmie, vo šiaurės viejo da ėr mažas tier.

***

Kopūstus dėigtė pėlnėjuo ėr puo paraižū – gerā īr, vo rasuodna sietė i jauna mienesi, tik rēk veizietė ka mienou nebūtu matuoms.

***

Bolvės vaguotė rēk, ka mienou īr grīžės trėtė dėina – bolvės īr mėltingas.

***

Cėbolės siekla rēk padietė  ont dounas imaišīma po paraižū, vo ka neparīžės mienou – žīd kāp pastėposės.

***

Žėrnius rēk sietė jaunamė mienesie, šiaurės viejo ėr nedebesouta dėina.

***

Rogē sietė pėlnėjuo, paraižuos gerā īr, vo kėtumet – ne.

***

Pėrmėje glousne, alksne lapus sklēd: siek pėrmuojė siekla; vo ožouls spruogst: paskotėniūsius siemenis siek ėr sietovė pakabink.

***

Pasiek avėžas jaunamė mienesie – nebūs geras: šiauds īr minkšts, sorezgės, išsėdraikės.

***

Mienou īr matuoms siejont mėižius ėr kvėičius – išēt i pėišas.

 

1929 m. liepos 20 d. papasakojo 70 m. amžiaus Verketienė iš Plungės miesto, užrašė Juozas Mickevičius.

 

 

Scroll to top