ŽĖIMA, ŽĖIMA, BIEK ĖŠ KĖIMA
OŽGAVIENĖS
Vasarė 21 dėina
Jē tori svēkatas ė okatas, ėlgā nemėslėjės spausk i Platelius! Nesėgailiesi ė bieduos netoriesi.
* Nu ryta – velniū, obagū, cėguonu ė kėtuokiū žydu zbėtkā po kaimus.
* Nu 12.00 adynas stuoriausius Ožgavieniu blynus keps kavėnės ,, Lėnielis” (kėtuo Plateliu ežera posie – Paplatelės kaimė) truopnės gaspadėnės.
* 16.00 adyna. Vėsė renkas Plateliu miestalė pleciou. Rėitus kėlnuodamė, jopelės doskindamė, sobėnės kraipydamė, klumpius brazdindamė ordoliousem pri koltūras nomū (Plateliu dvara jaujė).
Vėsu žydu dėdėliasis pasėkraipyms, šmuots muonu: cėguoniu varažėjėmā.
Blynu iedėms, raišū arkliū ė kėtuokės lėnktynės, stėpriausės, linksmiausės žydu kompanėjės rinkėmā.
Muorės dūmās palēdėms ė mūsa nuognā griaudos kriuokėms, žėima ėš kėima ėšgėnos.
*17.30 adyna. Macnos ožgaviejėms obagū baliou Plateliu dvara jaujės (kultūras nomū) paluociūs (vaišės soneštėnės). Grajys truopnė mozėkontā (polkluora ansamblē: Mažeikiu ,,Alksna” ė Žemaitėjės nacionalėnė parka ,,Platelē”).
Ožgavieniu svetius maluoniausē priem kaima turizma suodybas: M.Striaukienės ((8~698) 03485), E. ir A.Klimu ((8~615) 38301) , V.Leliugas ((8~698) 10312), J.Rumšienės((8~686) 09867); R.Piepaliaus ((8~655)32100).
Rėngiejē Žemaitėjės nacionalėnė parka dėrekcėjė
Riemiejē: Kaima turizma asociacėjės Plungės skyrios, Plateliu seniunėjė ė kėtė geradiejē.
Ožgavieniu valgē
Ožgavieniu dėina – daug paprastu mēšėšku struovu, kad ė ne per daug mondriu. Seniau par Ožgavienės tradicėnis patiekals bova šiopėnys (paskiau anon pakeitė posmarškuonė aba mėltėnė kuošė), mesa, spėrgā, douna, pėins, sūris, smetuons, nomėnis alos. Pėitams par Ožgavienės – raugintu kopūstu srioba, naskostas bolvės, mesa, douna, nomėnis alos. Pavakarēms – mėilėnē blynā ėš pėtliavuotu mėltu, ėškeptė so lydytās kiaulės taukās (smalčio). Tus blynos iesdava so smetuono ė ouguom. Večerē – pėinėška potra (konkuolynė), blynā, mesa, douna, alos.
Mėckevičė Jūzaps, Tievū ė pruotieviu žemė, I knyga, Vėlnios, 2008 m.
Ožgavienės. Aut. Rita Vėlatė
Žemaitijos nacionalinio parko direkcija.
Biudžetinė įstaiga. Didžioji g.10, Plateliai, LT-90420 Plungės raj.
+370 448 49231
+370 448 49337
znp@zemaitijosnp.lt
Zemaitija National Park Directorate
Didžioji str. 10, Plateliai, LT-90420, Plungės dstr., Lithuania
Įmonės kodas: 191440964
PVM mokėtojo kodas: LT914409610, duomenys kaupiami juridinių asmenų registre.
Steigėjas - Valstybinė saugomų teritorijų tarnyba prie Aplinkos ministerijos. Puslapio sukūrimas dalinai finansuotas Europos Sąjungos 2014-2020m. Interreg V-A Pietų Baltijos bendradarbiavimo per sieną programos lėšomis.
