ŽĖIMA ŽĖIMA, BIEK ĖŠ KĖIMA

OŽGAVIENĖS

Kuova 4 dėina

Je tori svēkatas ėr okatas, ėlgā nemėslėjės, spausk i Platelius! Nesėgailiesi ėr bieduos netoriesi.

*Nu rīta – velniū, obagū, cėguonu ėr kėtuokiū žīdu zbėtkā po kaimus.

* Ėšstėposims ė nepaslenkontims blīnu ėšsėkeptė – nu 12.00 adīnas galiesėt stuoriausiu Ožgavieniu blīnu nusėpėrktė kavėnie ,,Lėnielis” (kėtuo Plateliu ežera posie – Paplatelės kaimė).

*16.30 val. vėsė žīdā renkas Plateliu miestalė pleciuo. Ėr rėitus kėlnuodamis, jopelės doskindamis, sobėnės kraipīdamis, klumpēs brazdiedamis ordoliousem pri koltūras nomū (bovosės Plateliu dvara jaujės).

*Vėsū žīdu dėdėlēsis pasėkraipīms, šmuots muonu: cėguoniu varažėjėmā, blīnu jiedėms, raišū arkliū ė kėtuokės lėnktīnės, stėpriausės, linksmiausės žīdu kuompanėjės rinkėmā.

* Muorės dūmās palēdėms ėr mūsa nuognā griaudos kriuokėms, žėima ėš kėima ėšgėnos, ėr liaudėškė fejerverkā.

*17.45 val. Macnos ožgaviejėms obagū baliou Plateliu dvara jaujės paluociūs (vaišės soneštėnės). Grajīs truopnė  mozėkontā (fuolkluora ansamblē: Mažeikiu ,,Alksna” ėr Žemaitėjės naciuonalėnė parka ,,Platelē”).

Ožgavieniu svetius maluoniausē prijem kaima turizma suodības: M. Striaukienės ((8~698) 03485), E. ėr A. Klimū ((8~615) 38301) , V. Leliugas ((8~698) 10312), J. Rumšienės ((8~686) 09867).

Rėngies – Žemaitėjės naciuonalėnė parka direkcėjė.

Partnerē: Žemaitiu Kalvarėjės koltūras nomū Plateliu filjals, Plateliu seniūnėjė, Plateliu bėndruomėnė.

Riemiejē: Kaima turizma asuociacėjė ,,Žemaitėjė” ėr kėtė geradiejē.