Juonėnės

2017-04-14 / Žemaitijos NP

 

 

Švėntė rėktous polkluora ansamblē: „Alksna“ ėr ,,Alksniuka” ėš Mažeikiu,  ,,Cīrulelis” ėš Gargždu, „Platelē“ ėš Plateliu.

 

Pruograma

2000 –   švėntės pradė: ejėms pro vartus, apsėprausėms;

2030 –   kupuoliavėms, ēnont par devīnis laukus, vainėku pīnėms;

2110 –   būrėmā so kupuoliem, lingavėmuos,;

2150 mediu lonkīms

2200 –   saulės palīdiejėms;

2220 aukora, stebolės  ė lauža oždegėms;

2240 vainėku mietīms;

2400 –   papartė žėida ėiškuojėms; šuokėniejėms par lauža;

010 –     Juoniu ė Janinu sveikėnėms;

020 –     vainėkieliu plokdīms;

100 –     linksmībės;

442 –     prausėmuos rasuo, tekontiuos saulės sotėkėms.

 

Platelē, 2013

 

Tikiejėmā, bortā

***

Juona nakti rēk ētė i mėška, ka ni šonėis, ni gaidė balsa nebgaliesi gėrdietė, tumet i tonkumīnus ētė, kor papartē aug. Saka, ton nakti papartis žīd, vo ont kuo tas žėids nokrint, tas vėskon žėnuotė praded (Žemaitėjė).

***

Jē par Kaliedas sning – par Juona līn (Plungė).

***

Jē par Juonėnės līn, tās metās karvės daug pėina dous (Kaltiniena).

***

Laumės, saule nosėlēdus skalbas. Drabužius džiovėn švėitont mienesiou. Tėn pat, švėitont mienesiou, ont kalna pasėdiejosės vėsa torta, piningus skaita (Vėikšnē).

***

Ka laumės pėina neatimtu , rēk pri kūtės doru ėš lauka posės ont vėršotėnės staktas prikaltė maža šermokšnėni krīžieli (Vėikšnē).

***

Ka pėins pagend arba pasėdara skīsts, rēk ėrėštė karvē i oudėga vobolioka.

***

Ka laumė apsied karvės, rēk švėnta Juona nakti anas ėšvarītė i laukus ėr anuoms ėš paskuos valkiotė uzdeni (Seduos apl.).

***

Juonėniu nakti dvėm muotrėškuom nu svetėmuos pėivas šniūru rēk brauktė rasa. Ton šniūra nukratītė ont sava pėivas – dėdelē augs žuolie (Alsiedē).

Scroll to top